అక్షరకలం బిబినగర్
యాదాద్రి భువనగిరి జిల్లా బీబీనగర్ మండలం అన్నంపట్ల గ్రామంలోని తెలంగాణ మహాత్మా జ్యోతిభాఫూలే గురుకుల డిగ్రీ మహిళా కళాశాల (హైదరాబాద్, మేడ్చల్) లో 2026-2027 విద్యా సంవత్సరానికి గాను తక్షణ ప్రవేశాల (స్పాట్ అడ్మిషన్స్) కొరకు దరఖాస్తులు ఆహ్వానిస్తున్నట్లు కళాశాల ప్రిన్సిపాల్ డాక్టర్ వి. రాధ ఒక ప్రకటనలో తెలిపారు. అర్హులైన విద్యార్థినులు ఈ సువర్ణ అవకాశాన్ని సద్వినియోగం చేసుకోవాలని ఆమె కోరారు.
– అందుబాటులో ఉన్న కోర్సులు…
ఈ గురుకుల కళాశాలలో కింది కోర్సులలో ఉచిత నాణ్యమైన విద్యను అందిస్తున్నారు. ఈ కళాశాలలో
బి.ఎస్సీ (ఫిజికల్ సైన్స్)లో ఎంపీసి, ఎంపీసీఎస్, ఎం ఎస్ డి ఎస్, ఎం ఎస్ సి ఎస్, ఏఐఎంఎల్, బి ఎఫ్ టి.
బి.ఎస్సీ (లైఫ్ సైన్స్)లో ఎం బి జెడ్ సి, ఎన్ జెడ్ సి, ఏ ఎన్ బి సి, బిఏ లో ఈపిహెచ్, బి.కామ్ అనలైటిక్స్ అండ్ కంప్యూటర్ అప్లికేషన్స్, ఫ్యాషన్ కోర్సులు ఉన్నాయి.
—అర్హతలు ఇవే…
ఇంటర్మీడియట్ పూర్తి చేసి, కనీసం 50శాతం మార్కులతో ఉత్తీర్ణత సాధించి ఉండాలి.
విద్యార్థినుల తల్లిదండ్రుల వార్షిక ఆదాయం రూ. 1.50 లక్షల లోపు ఉండాలి. ప్రవేశం పొందిన విద్యార్థినులకు ప్రభుత్వం తరఫున సదుపాయాలను పూర్తిగా ఉచితంగా అందిస్తారు. పాఠ్యపుస్తకాలు,
యూనిఫాం, ట్రాక్ సూట్ అండ్ దుప్పట్లు ఇస్తారు.
ఆసక్తి, అర్హత గల విద్యార్థినులు బీబీనగర్ సమీపంలోని అన్నంపట్ల గ్రామంలో గల కళాశాల ప్రాంగణానికి నేరుగా హాజరై, ఈ నెల 10వ తారీఖు నుండి 13వ తారీఖు లోపు తమ దరఖాస్తులను సమర్పించి తక్షణ ప్రవేశాలు పొందవచ్చని ప్రిన్సిపాల్ డాక్టర్ వి. రాధ స్పష్టం చేశారు.