— జిల్లా అధ్యక్షులు సట్టు సైదులు
అక్షరకలం నల్లగొండ : పోలీస్ సిబ్బంది సంక్షేమమే లక్ష్యంగా పనిచేస్తామని పోలీస్ సంక్షేమ సంఘం నూతన జిల్లా అధ్యక్షుడు సట్టు సైదులు, ప్రధాన కార్యదర్శి కె. సాయిరాం తెలిపారు. నల్లగొండ ఎస్పీ కార్యాలయంలోని సంఘం ఆఫీస్లో సోమవారం వీరు బాధ్యతలు స్వీకరించారు.
పోలీసులు ఎదుర్కొంటున్న పని ఒత్తిడి, కుటుంబ, ఆరోగ్య సమస్యల పరిష్కారానికి కృషి చేస్తామని, కొత్త సంక్షేమ కార్యక్రమాలను అమలు చేస్తామని వెల్లడించారు. వైద్య పరీక్షలు, ఆరోగ్య అవగాహన కార్యక్రమాలకు ప్రాధాన్యమిస్తామని తెలిపారు.
ఎన్నికల్లో తమకు భారీ మెజార్టీ అందించి గెలిపించిన పోలీస్ అధికారులకు, సిబ్బందికి ధన్యవాదాలు తెలిపారు. ఈ కార్యక్రమంలో ఉపాధ్యక్షులు కె. కరుణాకర్, ఈ. రవి, జాయింట్ సెక్రెటరీ బాలకృష్ణ, కోశాధికారి సత్యనారాయణ, ఆర్గనైజింగ్ సెక్రటరీ వినోద్ బాబు, కార్యవర్గ సభ్యులు పాల్గొన్నారు.