–ఫ్లెక్సీ ఎఫెక్ట్
బతుకమ్మ, నిజామాబాద్ క్రైం:
ట్రాఫిక్ జామ్ అవుతోందని పోలీసులు తమను వేధిస్తున్నారని ఫ్లెక్సీ ఏర్పాటు చేసి దుకాణానిన మూసివేసిన ఢిల్లీవాలా స్వీట్ హోంపై పోలీసులు కేసు నమోదు చేశారు. ఆదివారం రోజున విధుల్లో భాగంగా పోలీసులు గాంధీ చౌక్ నుంచి మమత సర్కిల్ వరకు ట్రాఫిక్ ను క్లియర్ చేస్తుండగా ఢిల్లీవాలా స్వీట్ హోం వారు పోలీసులు గొడవపడి, తమను వేధిస్తున్నారని న్యూసెన్స్ చేయడంతో మూడు సెక్షన్ల కింద కేసు నమోదు చేసినట్లు ఒకటో టౌన్ ఎస్ హెచ్ వో విజయ్ బాబు తెలిపారు. పార్కింగ్ సదుపాయం లేకుండా స్వీట్ హోం నిర్వహిస్తుండడంతో తరచూ ట్రాఫిక్ జామ్ అవుతోందని, తాము స్వీట్ హోం నిర్వాహకులను ఎలాంటి వేధింపులకు గురి చేయలేదని పేర్కొన్నారు.
